Kollen Ungdomsbase si målgruppe er ungdom i alderen 13-18 år. Institusjonen skal drivast i samsvar med Lov om Barnevernstenester og skal i tillegg til § 4-12, ta mot ungdommar etter dei såkalla tvansparagrafane - §§ 4-24, 4-25 og 4-26 i Lov om Barnevernstenester. (§ 4-4, 5.ledd)
Kollen ligg i hjartet av Møre og Romsdal i bygda Vestnes. Du finn oss midt mellom byane Ålesund og Molde. Vestnes er ein kommune med om lag 7000 innbyggarar. Kommunen ligg sentralt plassert med tanke på kommunikasjon og friluftsliv.
På Kollen legg vi til rette for ein aktiv kvardag med varierte aktivitetar. Gjennom aktivitetar finn vi tid til gode samtalar og positiv samhandling. Mestring og nye ferdigheter står sentralt.
Vi er opptekne av å ha eit godt samarbeid med foreldre og andre viktige vaksne i livet til ungdommane. Dei fleste ungdommar har planlagte heimreiser til familien sin. Vi vil gjerne at foreldre og familie kjem på besøk og har 2 små leiligheiter for overnattingsbesøk.
Etter barnevernslova skal institusjonen gje ungdommane omsorg, opplæring og behandling. Tilsette si hovedoppgåve er å tilby ein tydeleg, gjentakande og stabil struktur og truverdige relasjonar.
Mange ungdommar treng oppfølging også etter at det ordinære institusjonsopphaldet er over. For å tilby vidare hjelp har Kollen ei eiga Oppfølgingsavdeling. Denne avdelinga benyttar seg av 3 treningshyblar som er plassert på Kollens område samt at dei kan tilby oppfølging både i familie, forsteheim og i eigen hybel/husvære.
E-post: kollen.ungdomsbase@bufetat.no
Telefon: 466 17 420
Telefaks: 71 18 89 09
Postadresse: Postboks 72, 6399 Vestnes
Besøksadresse: Myrakollen, Vestnes
Kart
Kontaktpersonar:
Leiar Janne Årset, tlf. 466 17 516
Merkantil Linda Gjelsten, tlf. 466 17 508
Tilgjengelighet for personer med funksjonsnedsettelse