Fritidstilbod

Vi har eige bordtennisbord og biljard, som ligg i den koselege peisestova vår. Her kan vi også spele fotballspel, sjå tv, spele ulike instrument og synge om ein har lyst til det. I kjellaren har vi også ein liten gymsal, som vi bruke til mellom anna fotball og innebandy.

Vi har også tilgong til klatresilo og leiger symjebasseng ein kveld i veka.

Vinterstid er vi ofte på ski. Vi har årskort til to nærliggande skisenter og det er også fine langrennsmoglegheiter i nærleiken. I helgane er det moglegheit for aktivitetar som bowling, kino, badeland eller besøk til Atlanterhavsparken.

På sommaren er vi mykje ute og brukar tid på aktivitetar som bading, fisking, båtturar, padling, klatring, fjellturar, sykling og ballspel.