PMTO

PMTO er eit foreldrerettleiingsprogram for foreldre og barn som av ulike årsaker er komen i vanskelege og negative samspelsmønstre. Tilbodet er for familiar med born i alderen 4-12 år. VTBufs har tilbod om PMTO til familiar i Vinje, Tokke, Seljord, Kviteseid, Nissedal, Fyresdal og Tinn.

Behandlinga går føre seg på Administrasjonsbygget til VTbufs som ligg på industriområdet i Åmot sentrum (Verkstadvegen) og på familievernkontoret i Øvre Telemark i Kviteseid. I enkelte tilfelle kan behandlinga gå føre seg på kommunens helsestasjon. Vi har 1 PMTO-terapeut på senteret og tilbodet er gratis.

 

Studiar viser at PMTO-behandling fører til at bornas åtferdsvanskar blir betydeleg mindre både heime og på barnehagen/skulen.

Bornas vanskar viser seg ofte i form av protester, svake samarbeidsferdigheiter, mangelfull sinnekontroll, trass og svake sosiale ferdigheiter.  Med aukande alder vert bornas reaksjonsmønster ofte overført til arenaer utanfor heimen, som barnehage, skule og fritidsaktivitetar.

PMTO føregår i mange samanhengar i heimen, men Vest-Telemark barne-, ungdoms- og familiesenter har valt å bruke andre lokalitetar for at familiane skal halde fullt fokus på behandlinga. Familien er terapeutens viktigaste støttespelar og samarbeidspartnar. I mange tilfeller er det i tillegg nødvendig å samarbeid med barnehage eller skule.

Begge foreldra, alternativt steforeldre, må møte og delta dersom dei bur saman med borna. Fosterforeldre kan også vere aktuelle dersom borna er i fosterheim. Familie og terapeut møtes kvar veke på eit tidspunkt som passer for familien. Fokus på møta er positive handlingsalternativ og det familiane faktisk får til. Felles mål blir formulert og evaluera. Behandlinga varer i om lag 6 månader. 

PMTO gjenopprettar eller byggjer ein positiv relasjon mellom born og foreldre, bryt negative samhandlingsmønstre og fremjar positiv utvikling hos borna.  Familiens ressursar blir kartlagt og vektleggast og familien får konkrete heimeoppgåver og prøvar ut verktøya dei lærer under behandlinga.

Tiltaket gjev foreldra moglegheit til å bli ekspertar på eigne born gjennom praktiske øvingar og trening i:

  • nye måtar å møte borna på
  • konsekvent oppførsel i høve til normer og reglar i familien
  • å være oppmuntrande når borna øver inn nye ferdigheiter og fylgjer framsette forventingar og krav
  • å fylgje opp med milde negative konsekvensar når borna ikkje fylgjer framsette forventningar eller reglar
  • å gjenvinne sjølvkontroll
  • å tilrettelegge og å fylgje opp aktivitetar i og utanfor heimen

Henvisning til PMTO- behandling frå Vest-Telemark barne-, ungdoms- og familiesenter skjer frå barneverntenesta eller familievernkontoret i Øvre-Telemark.

Les mer om PMTO


Publisert: 8. mars 2011Sist oppdatert: 8. mars 2011