Kompetanseløft for betre barnevern på Sunnmøre

Kompetanseløftet er oppbygd av fem samlingar á 3 dagar, og går fram til mai 2011. Første samlinga er 14. – 16. september på Quality Hotel Ulstein, og godt over 100 barnevernstilsette frå  19 kommuner deltok. Fylkesmann Lodve Solholm opna samlinga.

– Kompetanseløftet skal gi barneverntilsette på heile Sunnmøre betre kompetanse til å oppdage kjenneteikn ved utsette barn og unge. Det vert gitt opplæring i ulike metodar for å vurdere barn sin omsorgssituasjon, seier leiar Birgit Torkildson Grotle ved Fagteam og fosterheimstenesta Sunnmøre.

Kompetanseløftet vil fokusere på metodisk barnevernarbeid når det gjeld samspel, samtalar, malar for utgreiing og tiltaksutvikling. Det vert også erfaringsutveksling med rettleiing.

Birgit Torkildson Grotle

Førsteamanuensis Øyvind Kvello ved NTNU i Trondheim er førelesar i programmet. Han har tidlegare arbeidd i psykisk helsevern for barn og unge, PP-tenesta og ved familievernkontor. Han har skrive fleire fagbøker og fagartiklar om barn si psykiske helse, oppvekstvilkår, omsorgssvikt og mishandling.

                                                                                                  Øyvind Kvello

– Tema for den første samlinga omhandla kven som er dei utsette barna, kva som kjenneteiknar dei og kor mange det gjeld. Det vart førelest over ulike observasjonsformar i høve til samspel mellom foreldre og barn, og sentrale begrep for å beskrive samspel vart presentert. Deretter vart dei grunnleggjande dimensjonane i god barneomsorg drøfta, fortel Birgit Torkildson Grotle..                               

Alle som gjennomfører Kompetanseløftet får kursbevis. Kompetanseløftet kan også etter søknad eventuelt gå inn i eit 15 poengs valfritt emne i eit utdanningsløp ved Høgskulen i Volda.

Les mer i Sunnmørsposten 15.09.10.